ITSAS ENERGIAZ 3. NAZIOARTEKO JARDUNALDIA

Bilbo, 2009ko apirilaren 2a

Energia berriztagarrien garapena, aurrezpenarekin eta horniduraren segurtasunarekin batera, oinarrizko ardatza dira energia-politika orekatu eta egokia aurrera eramateko. Areago, etorkizunean energia iraunkorra bermatzeari begira, hornidura-iturrien ugaritzea edo dibertsifikatzea eta ingurumena babestea premiazkotzat jotzen den honetan.

Ildo horretatik, Energiaren Nazioarteko Agentziako (IEA-OES) kideek Bilbon, 2009ko martxoaren 30 eta 31n eta apirilaren 1ean egingo dituzten bilerek aukera ezin hobea ematen dute itsas energiaz hirugarren jardunaldia eratzeko, Energiaren Euskal Erakundeak (EEE) eta Tecnalia Corporación Tecnológicak antolatua. Nazioarteko jardunaldi edo mintegi honetan olatuen energia ustiatzeko dauden ekipoen eta teknologikoak ez diren beste alderdi batzuen esparruetan egindako aurrerapen berritzaileenak aurkeztuko dira (olatuak, itsas-lasterrak, etab.). Teknologikoak ez diren alderdi horiek funtsezkoak dira energia-iturri hori garatzeko eta energia-horniduraren sistema orokorrera sartzeko.